Zaxarenkonun müəllif məktəbinin ideyası nədən ibarətdir?
Zaxarenko Aleksandr Antonoviçin (1937-2002) müəllif məktəbi Ukraynanın tanınmış məktəbləri sırasındadır. O, Çerkassk vilayəti, Kamensk rayonunun Kamenka şəhərində anadan olub. Çerkassk Dövlət Pedaqoji İnstitutunun fizika-riyaziyyat fakültəsini bitirib. İctimai xadim kimi də tanınan A.A.Zaxarenko Ukrayna SSR-in əməkdar müəllimi (1974), SSRİ-nin xalq müəllimi (1983) adına layiq görülüb. Ukrayna Pedaqoji Elmlər Akademiyasının akademiki, Çerkasskinin Saxnovka kəndində məşhur müəllif məktəbinin direktoru olub. O, vətəndaş, ailə və əmək tərbiyəsinin yeni sistemini yaradıb, ailə-məktəb ideyasını, yerləşdiyi kəndin həyatı, tarixi ilə sıx əlaqədar olan məktəb ideyasını təcrübədə tətbiq edib. Müəllif məktəbi şagirdlərinin tədqiqatları soykökünün öyrənilməsinə yönəldilmiş və bu işin nəticəsi 2000-ci ildə nəşr olunan 4 cildlik “Məktəb tipli ensiklopediya” da öz əksini tapıb.
Aleksandr Antonoviç uşaq və valideynlərlə birgə adi kənd məktəbini bir çox göstəricilərinə görə şəhər məktəblərindən irəlidə gedən məktəb-kompleksə çevirmişdir. Onun pedaqoji ideyalarının orijinallığı və innovativliyinin təsdiqi olaraq ölümündən sonra rəhbərlik etdiyi məktəbə “A.A.Zaxarenkonun müəllif məktəbi” rəsmi statusu verilib.
Комментарии
Отправить комментарий